Það blæs ekki byrlega fyrir félag Hermanns Hreiðarssonar en félagið hefur glímt við hin ýmsu vandamál í vetur. Á dögunum voru níu stig dregin af félaginu vegna fjárhagserfiðleika þess en Portsmouth kærði þann úrskurð. Nú hefur úrskurðurinn verið staðfestur af hærra dómsstigi og er Portsmouth því 17 stigum frá örugg sæti í úrvalsdeild, þegar aðeins níu leikir eru eftir. Það stefnir því allt í að Eyjamaðurinn hjá félaginu setji vafasamt met því enginn í sögu ensku úrvalsdeildarinnar hefur fallið oftar úr deildinni en Hermann.