Í gær fóru félagar úr Kiwanisklúbbnum Helgafelli upp á Hraunbúðir og gáfu heimilinu fullkomið sjúkrarúm af bestu gerð. Rúmið er eitt fjölmargra sem klúbburinn hefur gefið heimilinu en það var Magnús Jónasson, deildarstjóri sem veitti rúminu viðtöku. Einar Friðþjófsson, forseti Helgafells afhenti rúmið en Magnús þakkaði Kiwanismönnum fyrir þessa höfðinglegu gjöf og fyrir þann hlýhug sem Kiwanisklúbburinn Helgafell hefur ávallt sýnt Hraunbúðum.