Að ferðast um til fjarlægra landa er draumur margra en fæstir fá tæki­færi til að láta drauminn rætast. Þau Hafdís Guðnadóttir og Eyþór Björgvinsson, ungt Eyjapar, lét sig ekki nægja að dreyma um ferðina, heldur létu þau drauminn rætast. Síðan í janúar hafa þau ferðast um fjarlæg lönd í Asíu og Eyjaálfu og lent í fjölmörgum ævintýrum. Ferðinni er þó ekki enn lokið en Júlíus G. Ingason komst í tölvu­sam­band við þau skötuhjú og fékk stutta lýsingu á ferðinni hjá þeim.