Það var sannkallað líf og fjör á Stakkó í morgun þegar leik- og grunnskólar sameinuðust í tilefni Barnamenningarhátíðar.

Barnamenningarhátíð er árleg hátíð sem haldin er víða um land með það að markmiði að efla menningarþátttöku barna og gefa þeim tækifæri til að njóta og skapa listir. Á hátíðinni fá börn að kynnast fjölbreyttum menningarformum, taka þátt í skapandi starfi og sýna eigin verk.

Fjölbreytt skemmtiatriði voru á dagskrá og létu gestir ekki sitt eftir liggja í að taka þátt í stemningunni. Meðal þeirra sem fram komu voru Páll Óskar ásamt Skólasveitinni, Þuríði Andreu, Brasskvintett, og Silla sem öll lögðu sitt af mörkum til að gera daginn eftirminnilegan.

Kynnar viðburðarins voru Eygló Rós og Tinna Mjöll úr FÍV sem stýrðu dagskránni.

Halldór B. var á staðnum og fangaði stemninguna.