�?ruggt hjá ÍBV gegn HK
Eyjamenn skutust upp í annað sæti Olísdeildar karla með öruggum sigri á botnliði HK í Eyjum í dag. Lokatölur urðu 25:17 en sigur Eyjamanna var í raun aldrei í hættu, enda var munurinn kominn upp í tíu mörk þegar síðari hálfleikur var rétt tæplega hálfnaður. Eftir það slökuðu leikmenn beggja liða á, enda ljóst hvoru megin sigurinn endaði. �?eir hefðu þó mátt slaka aðeins betur á þeir Agnar Smári Jónsson, leikmaður ÍBV og Davíð Ágústsson, leikmaður HK. Davíð braut illa á Agnari Smára sem svaraði með því að ráðast að Davíð en félagar Agnars náðu þó að stöðva hann áður en í óefni væri komið. Engu að síður var báðum leikmönnum réttilega vísað af leikvelli og spurning hvort Agnar Smári sé kominn í leikbann. Ef svo er, eru það slæm tíðindi fyrir ÍBV enda ekki margar örvhentar skyttur í leikmannahópnum.
Leikmenn beggja liða gerðu sig seka um mikið af mistökum, sérstaklega í byrjun leiks, enda var staðan 0:1 fyrir HK þegar átta mínútur voru búnar af leiknum. En smátt og smátt náðu leikmenn áttum, sérstaklega leikmenn ÍBV sem stóðu vaktina í varnarleiknum og markvarslana var góð. Kolbeinn Arnarson byrjaði í markinu og stóð sig vel en norðmaðurinn Henrik Eidsvaag lék síðustu tíu mínúturnar og sýndi að hann kann eitt og annað fyrir sér í markinu.
�?á var gaman að sjá Róbert Aron Hostert aftur í liði ÍBV en Róbert hefur ekkert spilað í um þrjá mánuði vegna meiðsla. Hann sýndi þó lipra takta í sókninni hjá ÍBV og virðist ekki hafa gleymt því hvernig á að skora mörk. Staðan í hálfleik var 11:7 en Eyjamenn mættu einbeittir til leiks í síðari hálfleik, juku muninn jafnt og þétt og eins og áður sagði, voru þeir komnir með 10 marka mun, 20:10 þegar hálfleikurinn var rétt hálfnaður.
ÍBV er eftir leikinn í öðru sæti deildarinnar, með 14 stig eins og Fram en FH og Valur eru í næstu sætum með 13 stig. Haukar eru hins vegar efstir með 19 stig en ÍBV á leik til góða á þessu lið.
Meðfylgjandi er viðtal við Arnar Pétursson, þjálfara ÍBV.
Mörk ÍBV: Theodór Sigurbjörnsson 5 / 2, Róbert Aron Hostert 5, Sindri Haraldsson 4, Andri Heimir Friðriksson 4, Agnar Smári Jónsson 3, Magnús Stefánsson 3, Grétar Eyþórsson 1.
Varin skot: Kolbeinn A. Ingibjargarson 11/1, Henrik Eidsvaag 7/1.

Nýjustu fréttir

Áhugavert
MAST, Fiskistofa og Verðlagsstofa skiptaverðs sameinuð
Aðsend grein
Það þarf meira en hús til að reka skóla
Fréttir
Grjótleit komin á fullt á Haugasvæðinu
Úr blaði Eyjafrétta
Vigga og Guðni hafa heimsótt 86 lönd og eru hvergi nærri hætt
Myndband
Sólhlíð, Áshamar og Stakkagerðistún
Áhugavert
Fyrstu kjarnasýnin komin upp á Landeyjasandi
Aðsent
Hélt að verið væri að gera grín í sér
Myndband
Útlaginn gefur út sitt fyrsta lag: „Þetta er bara byrjunin“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.