Samið um Síldarsmugu og kvóta uppsjávartegunda

Fulltrúar Íslands, Noregs og Danmerkur, fyrir hönd Færeyinga, hafa undirritað þjóðréttarsamninga um skiptingu hluta hafsvæðisins sem í daglegu tali gengur undir heitinu Síldarsmugan. Þá hafa tekist samningar um heildarkvóta kolmunna, norður-atlantshafssíldar og makríls í Norðaustur-Atlantshafi fyrir árið 2020. Frá þessu er greint á vef norska ríkisútvarpsins, NRK.

Þríhliða Síldarsmugusamningur
Síldarsmugusamningarnir eru þríhliða og snúast um skiptingu landgrunnsins í Síldarsmugunni sunnanverðri, utan 200 mílna lögsögu Noregs. Í fréttatilkynningu frá utanríkisráðuneytinu kemur fram að samningarnir taki til landgrunns á svokölluðu Ægisdjúpi og að þeim sé ætlað að tryggja yfirráð ríkjanna yfir mögulegum auðlindum á eða í landgrunninu sjálfu, það er að segja á hafsbotni. Samningarnir taka hins vegar ekki til fiskveiða eða fiskveiðiheimilda.

Samið um heildarkvóta á þremur uppsjávartegundum
Það gera aftur á móti samningarnir sem náðust í síðustu viku um heildarkvóta á makríl, kolmunna og norður-atlantshafssíld á næsta ári, eins og lesa má um hér (ath. enskur texti). Í öllum tilfellum er farið eftir ráðgjöf sérfræðinga við ákvörðun kvótans.

Þannig sömdu Noregur, Færeyjar og Evrópusambandið um 922.064 tonna heildarkvóta af makríl, sem er 41 prósenti meira en á þessu ári. Fulltrúar samningsaðila lýstu jafnframt áhyggjum sínum af einhliða ákvörðunum Íslendinga um að taka sér veiðiheimildir, þar sem enn hafa ekki náðst samningar við þá. Þetta gildir einnig um Rússa og Grænlendinga, en í minna mæli þó.

Ísland, Noregur, Færeyjar og Evrópusambandið komu sér hins vegar saman um heildarkvóta á kolmunna. Hann verður 1.161.615 tonn, um tveimur prósentum meiri en á þessu ári. Loks samdist fyrrefndum ríkjum og Rússum að auki um að minnka heimildir til veiða á norður-atlantshafssíldinni um 11 prósent frá þessu ári, og verður heildarkvótinn 525.504 tonn á næsta ári. Þótt tekist hafi að semja um heildarkvóta er enn að mestu ósamið um skiptingu veiðiheimildanna milli samningsaðila.

ruv.is greindi frá

Nýjustu fréttir

Fréttir

Terra fær ekki samþykktar breytingar á gjaldskrá

Íþróttir

ÍBV og FH skiptu með sér stigunum

Aðsend grein

Stærstu viðskiptafréttir í sögu Vestmannaeyja

Úr blaði Eyjafrétta

Pétur Bjarna, Eyjamaður og sjávarútvegsfræðingur

Íþróttir

Frábæru Orkumóti lokið – FH varð Orkumótsmeistari

Íþróttir

ÍBV sækir botnlið FH heim

Samgöngur

Breytt siglingaáætlun Baldurs næstu daga

Aðsend grein

Áfram ÍBV

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki