Jóhannes Esra Ingólfsson lést í júlí á síðasta ári, langt um aldur fram. Lát hans var okkur ættingjum og vinum mikið áfall, enda Esra, eins og við kölluðum hann, á besta aldri. Eftirlifandi kona hans er Guðný Anna Tórshamar, en þau giftu sig í maí 2007.Staða ekkjunnar er í dag þannig að dánarbúið hefur verið gert gjaldþrota, húsið, bíllinn og allar eigur þeirra teknar upp í gjaldþrotið og eftir situr hún öryrki, búin að missa manninn sinn og allar þeirra eigur, sem sé á götunni.