Lögreglan í Vestmannaeyjum vill beina þeim tilmælum til allra Vestmannaeyinga að huga vel að lausum hlutum úti við fyrir daginn. Fergja allt lauslegt eða fjarlægja það.

�?að er mjög langt síðan að það hefur verið gefin út svona slæm veðurspá fyrir Vestmannaeyjar eins og sú sem er í gildi núna. �?á er vert að hafa það í huga að oft kemur veðrið til Eyja á undan áætlun!

Inni á vefsíðuni vedur.is er eftirfarandi spá fyrir daginn í dag. ,,Núna í morgunsárið er hægur vindur um allt land og stöku él á víð og dreif, en veður fer hratt versnandi með krappri lægð sem nálgast landið úr suðri. Um og eftir hádegi verður kominn austan- og norðaustanstormur og snjókoma með S-ströndinni, en síðdegis stefnir í að vindurinn verði að fullgildu ofsaveðri (meðalvindur yfir 28 m/s) á þeim slóðum og bætir einnig í ofankomuna. �?að hlýnar lítillega og mun því úrkoman að öllum líkindum færast út í slyddu við ströndina, en snjór inn til landsins. �?ar sem vindurinn er austanstæður smeygir hann sér fram hjá fjöllum á þessu svæði og magnast við það, en hviður geta farið upp í og yfir 50 m/s, einkum við �?ræfajökul og undir Eyjafjöllum.

Undir kvöld færist lægðin til austurs og við það dregur úr vindi og úrkomu S- og SA-til, en bætir í hvoru tveggja annars staðar. Seint í kvöld og nótt gengur síðan í norðanstorm um allt land með snjókomu, fyrst á Vestfjörðum, en stöku él og skafrenningur sunnan heiða á morgun. Dregur úr vindi annað kvöld og nótt.”