Í þættinum koma vð sögu Eyjabændur við heyskap austur á Kirkjubæjum og Gerðistúnum, veiðimenn í úteyjum og réttardagur í Elliðaey. Einnig Þjóðhátíðarmyndir frá 1953 og um 1970. Fjölbreyttar lifandi myndir frá fjölmennu 40 ára afmæli Íþrótttafélagsins Þór 1953 og  árshátíð Lúðrasveitar Vestmannaeyja í stóra salnum að Hótel HB og líklega frá áramótadansleik  í Samkomuhúsinu – gamla stóra salnum, allt á svipuðum tíma. Þá bregður fyrir mannslífi og umsvifum norðan og sunnan Strandvegar á  vetrarvertíð. Í þættinum er mikið af mannamyndum sem gefa  lifandi – og kyrrmyndum aukið gildi.

Á undan þessum átta þáttum hefur ávallt verið boðið upp á efni sem tengist atburðum í Eyjum. Að þessu sinni verða kallaðar fram kyrrmyndir sem veita frekari upplýsingar í þremur tilvikum þar sem haldið er áfram að fylla út í myndina.

Eins og á fyrri sýningum stýrir Arnar Sigurmundsson umræðum. Gunnar Júlíusson grafískur hönnuður útbjó myndefnið til sýningar.

Sýningin er styrk af Uppbyggingasjóði SASS.  Þessar sýningar í Sagnheimum hafa verið mjög vel sóttar. Þrjú stór sjónvörp eru á staðnum, sem gerir upplifunina enn betri.