Í síðustu viku bauð Nýsköpunar­miðstöð Íslands Eyjamönnum upp á námskeið sem nefnist Orkubóndinn og fjallar eins og nafnið bendir til um orku og orkunotkun og ekki síst nýjar leiðir til orkuöflunar. Þetta var sjöunda námskeiðið sem Nýsköp­unar­miðstöð hefur haldið vítt og breitt um landið og hefur aðsókn að þeim verið afar góð. Sú var einnig raunin í Vestmannaeyjum, hér sátu um 30 manns námskeiðið sem stóð frá kl. tíu um morguninn til kl. fimm síðdegis.