Miðvikudaginn 28.apríl verða vortónleikar Skólalúðrasveitarinnar í Vestmannaeyjum haldnir í bæjarleikhúsinu. Tónleikarnir hefjast kl.20:00 og má þar hlýða á yngri og eldri deild sveitarinnar flytja nokkur lög. Lúðrasveitarstarf í Vestmannaeyjum er með líflegasta móti og komast önnur bæjarfélög á Íslandi varla með tærnar þar sem við höfum hælana í þeim efnum. Því má að stóru leyti þakka þann stuðning og áhuga sem bæjarbúar hafa sýnt þessu starfi. Um leið og við þökkum þann góða stuðning, hvetjum við sem flesta til að koma í bæjarleikhúsið og njóta tónlistarflutnings framtíðarhljóðfæraleikara Eyjanna. Aðgangseyrir er 500 kr. sem rennur í ferðasjóð sveitarinnar.