Gunnlaugur Grettisson, rekstrar­stjóri Herjólfs, er nokkuð ánægður með sumarið í heildina. Farþegar séu reyndar aðeins færri nú en í fyrra og munar þar sem mest um töluvert minni umferð í júlí en aðrir mánuðir eru betri en í fyrra sem var metár. Er það mat Gunn­laugs að þar hafi veðrið ráðið mestu. Útlit með siglingar í Landeyjahöfn í haust gæti orðið gott en það ræðst alfarið af sjólagi og svo veðri. Góðu frétt­irnar eru að sandburður er minni en verið hefur. Hefst sand­dæling á föstudaginn og er það í fyrsta skipti sem dælt er frá því í byrjun apríl.