Í morgun höfðu 2230 manns skráð sig á síðuna Segjum NEI! á facebook en síðan var stofnuð þegar í ljós kom að loka ætti skurðstofu Heilbrigðisstofnun Vestmannaeyja. Á síðunni er lokuninni mótmælt en síðuna stofnaði Kolbrún Harpa Kolbeinsdóttir. „Forgangsröðun ríkisstjórnar/velferðaráðherra er með ólíkindum. Tek undir orð góðrar konur sem skýtur þeim orðum að ríkisstjórninni að hætta við að afnema auðlegðarskattinn og koma styrkum stoðum undir sjúkrahúsin á landsbyggðinni. Að ég tala nú ekki um hér í Eyjum,“ segir Kolbrún.