Leikur ÍBV og Vals fer ekki í sögubækurnar sem eftirminnilegasti knattspyrnuleikur sögunnar og klárlega ekki sem einn sá skemmtilegasti. Aðstæður buðu heldur ekki upp á nein tilþrif, bæði rok og rigning og svo er Hásteinsvöllur í mjög slæmu ástandi sem lagaðist ekker við rigninguna. Þá hafa liðin ekki að miklu að keppa og virtust sumir leikmenn ekki spila á fullum krafti allan leikinn. En Valsmönnum langaði meira í stigin þrjú og þar skildi að. Lokatölur urðu 0:2 fyrir Val og fátt sem gladdi augað fyrir stuðningsmenn ÍBV.