Íslenska karlalandsliðið í handbolta hefur leik í undankeppni Evrópumótsins 2028 í kvöld, þegar liðið mætir Úkraínu í Laugardalshöll kl. 19:30.

Snorri Steinn Guðjónsson, þjálfari Íslands, hefur valið þá 16 leikmenn sem taka þátt í leiknum. Eyjamaðurinn Elliði Snær Viðarsson, leikmaður þýska liðsins Gummersbach, er sem fyrr í leikmannahópnum.

Uppselt er á leikinn í Laugardalshöll og verður hann sýndur beint á RÚV 2.

Íslenska liðið heldur svo til Tallinn í Eistlandi þar sem liðið mætir heimamönnum sunnudaginn 8. nóvember kl. 16:00 að íslenskum tíma. Sá leikur verður einnig sýndur beint á RÚV 2.