Herjólfur III í haffærisskoðun um mánaðamótin – dýpkun hefst í byrjun ágúst
Stefnt er að því að Herjólfur III verði tilbúinn til haffærisskoðunar í lok næstu viku, eða um mánaðamótin. Prófun og yfirferð á MES-björgunarkerfi skipsins er lokið en í kjölfarið kom í ljós bilun í MOB-krana sem nú er unnið að lagfæringum á. Þetta kemur fram í svari G. Péturs Matthíassonar, upplýsingafulltrúa Vegagerðarinnar, við fyrirspurn Eyjafrétta […]
Hafnaði nær öllum verkefnum í júlí til að undirbúa Brekkusönginn
„Fyrsta sem ég hugsa um þegar ég vakna er Brekkusöngurinn og það síðasta sem ég hugsa um áður en ég fer að sofa er Brekkusöngurinn,” segir Ágúst Þór Brynjarsson, brekkusöngvari, um undirbúninginn fyrir Brekkusöng Þjóðhátíðar, sem hann stýrir í fyrsta sinn um verslunarmannahelgina. Í hlaðvarpinu Popparasögur segir hann að hann hafi tekið meðvitaða ákvörðun um […]
Vestmannaeyjabær áfrýjar sýknudómi vegna vatnslagnarinnar
Vestmannaeyjabær hefur ákveðið að áfrýja sýknudómi Héraðsdóms Suðurlands í skaðabótamáli bæjarins gegn útgerðarfélaginu Huginn ehf., Vinnslustöðinni hf. og Vátryggingafélagi Íslands hf. Málið snýst um skemmdir sem urðu á neysluvatnslögn í Vestmannaeyjahöfn í nóvember 2023. Ákvörðunin var tekin samhljóða á fundi bæjarráðs í dag. Íris Róbertsdóttir bæjarstjóri staðfesti áform bæjarins í samtali við fréttastofu RÚV. Í […]
Frá Portúgal til Vestmannaeyja
Knattspyrnudeild ÍBV hefur samið við bandaríska varnarmanninn Jessicu Hinton. Hún er 24 ára og kemur til Eyja frá SF Damaiense, sem leikur í efstu deild Portúgals. Hinton segist lengi hafa stefnt að því að leika fyrir félag á borð við ÍBV og vera þakklát fyrir tækifærið. „Að spila fyrir félag eins og ÍBV hefur lengi […]
„Við erum orðin skuldlaus“
Ungt par fékk heldur betur óvænt símtal á mánudagsmorgun. Parið, sem er á þrítugsaldri og á lítið barn saman, var í fríi og á akstri þegar síminn hringdi. Erindið var sannarlega ánægjulegt. Parið átti nefnilega eina Lottómiðann þar sem allar tölurnar voru réttar síðasta laugardag. Fyrsti vinningur var fimmfaldur og fær parið því rúmlega 96,5 […]
Vinnslustöðin styrkir stöðu sína í Portúgal
VSV Portugal, dótturfyrirtæki Vinnslustöðvarinnar í Portúgal, hefur keypt portúgalska sjávarútvegsfyrirtækið Esbal. Kaupin eru liður í áframhaldandi uppbyggingu Vinnslustöðvarinnar á Portúgalsmarkaði og eiga að styrkja stöðu félagsins þar í landi. Esbal er rótgróið fyrirtæki sem sérhæfir sig í framleiðslu og sölu á útvötnuðum saltfiski. Vörur fyrirtækisins eru meðal annars seldar til veitingahúsa og í neytendaumbúðum. Vinnslustöðin […]
Herjólfur aftur í fulla áætlun á morgun
Viðgerð á rafmótor Herjólfs IV hefur gengið vel og stefnt er að því að ferjan sigli heim til Vestmannaeyja í kvöld og fari í fulla átta ferða áætlun á morgun, fimmtudag. Prufusigling fór fram í gærkvöldi og gekk hún mjög vel. Þetta kemur fram í svari Ólafs Jóhanns Borgþórssonar, framkvæmdastjóra Herjólfs ohf., við fyrirspurn Eyjafrétta […]
Góð spá og lokaspretturinn hafinn fyrir Þjóðhátíð
Undirbúningur fyrir Þjóðhátíð 2026 hefur gengið einstaklega vel og langtímaspár benda til þess að veðrið verði með besta móti. Jónas Guðbjörn Jónsson, formaður Þjóðhátíðarnefndar, segir þó að það sé fyrst og fremst fólkið, samheldnin og gestrisnin sem geri hátíðina að því sem hún er. „Hundruð sjálfboðaliða, starfsmanna og samstarfsaðila hafa lagt hönd á plóg síðustu […]
Hafbotnsmælingum lokið – Komnir niður á 136 metra í Landeyjasandi
Kjarnaborunin á Landeyjasandi vegna rannsókna fyrir fyrirhuguð Eyjagöng er komin niður á 136 metra dýpi. Markmiðið er að bora niður á 300 metra en gert er ráð fyrir að boruninni ljúki í ágúst. Þá er hljóðendurvarpsmælingum í Eyjasundi lokið eftir að alls voru mældir 282 kílómetrar á sjö mælingadögum. Haraldur Pálsson, framkvæmdastjóri Eyjaganga ehf., segir […]
Flugmenn sviptir flugleyfi vegna lágflugs yfir Eyjum
Tveir flugmenn hafa verið sviptir flugleyfi tímabundið vegna lágflugs farþegaþotu Icelandair yfir Vestmannaeyjum þann 11. apríl síðastliðinn. Annar flugmannanna var sviptur leyfi í tvö ár en hinn í eitt ár. Þetta kemur fram í frétt RÚV og er haft eftir Þórhildi Elínu Elínardóttur, samskiptastjóra Samgöngustofu. Ákvörðunin hefur verið send þeim flugmönnum sem málið varðar. Flugstjóri […]
Heildarafli dróst saman um 29 prósent í júní
Landaður afli íslenskra skipa nam rúmlega 32 þúsund tonnum í júní síðastliðnum. Það er 29 prósent minni afli en í sama mánuði í fyrra, samkvæmt tölum Hagstofu Íslands sem birtar voru í síðustu viku. Samdrátturinn skýrist einkum af minni uppsjávarafla. Engum kolmunna eða makríl var landað í júní í ár, en í júní 2025 nam […]
Lögregla hættir rannsókn á andlátsmálinu á Hraunbúðum
Lögreglan á Suðurlandi hefur hætt rannsókn á andláti á Hraunbúðum í Vestmannaeyjum. Ákvörðunin var tekin í dag eftir að endanleg krufningsskýrsla barst lögreglu fyrir helgi og farið hafði verið yfir hana. Þetta staðfestir Rúnar Þór Steingrímsson, lögreglufulltrúi hjá lögreglunni á Suðurlandi, í svari við fyrirspurn Eyjafrétta. „Lögreglan á Suðurlandi hætti í dag rannsókn á andlátsmálinu […]
Herjólfur kominn í viðgerðarstopp
Baldur tók við siglingum milli lands og Eyja í morgun, mánudaginn 20. júlí, á meðan viðgerður rafmótor er settur aftur í Herjólf IV. Herjólfur hélt til Þorlákshafnar eftir síðustu ferð sína í gærkvöldi þar sem mótorinn verður settur í ferjuna. Samkvæmt upplýsingum frá Herjólfi ohf. er áætlað að verkið taki allt að fjóra sólarhringa. Á […]
Laxey boðar til samráðs- og upplýsingafundar
Laxey boðar íbúa Vestmannaeyja og aðra áhugasama til samráðs- og upplýsingafundar næstkomandi þriðjudag. Þar verður meðal annars farið yfir stöðu uppbyggingar fyrirtækisins, umhverfis- og sjálfbærnimál, fiskheilbrigði og áhrif starfseminnar á samfélagið. Fundurinn verður haldinn í seiðastöð Laxey að Strandvegi 104 þriðjudaginn 21. júlí klukkan 17.00. Í tilkynningu á vef Laxey kemur fram að íbúum Vestmannaeyja, […]
Tvöfaldur leikdagur hjá ÍBV
Bæði meistaraflokkslið ÍBV verða í eldlínunni í Bestu deildunum í dag. Karlaliðið tekur á móti KA á Hásteinsvelli klukkan 14.00 en tveimur tímum síðar hefja Eyjakonur leik gegn Þór/KA á VÍS-vellinum á Akureyri. Mikilvæg stig í boði á Hásteinsvelli Það er mikið undir þegar ÍBV og KA mætast á Hásteinsvelli. Eyjamenn eru í áttunda sæti […]
Þjónustuþegum í lengdri viðveru fjölgar um helming
Þjónustuþegum í lengdri viðveru fyrir fötluð börn á aldrinum 10 til 16/18 ára í Vestmannaeyjum mun fjölga um helming í haust. Því er þörf á auknu fjármagni til að mæta aukinni þjónustuþörf. Þetta kom fram á síðasta fundi fjölskyldu- og tómstundaráðs Vestmannaeyja þar sem sviðsstjóri fór yfir stöðu mála. Ráðið samþykkti að þörf væri á […]
Frá gamla hrauninu að framkvæmdum við Íþróttamiðstöðina
Halldór B. Halldórsson var á ferðinni á vestanverðri Heimaey í dag og tók upp meðfylgjandi myndband. Ferðin hefst í gamla hrauninu og þaðan liggur leiðin út á Hamar og um golfvöllinn, þar sem meðal annars glittir í Herjólfsdal. Að lokum er komið við á byggingarsvæðinu við Íþróttamiðstöðina, þar sem unnið er að nýrri viðbyggingu. (meira…)
Stuðningsmaður KFS vinnur 700 þúsund
Stuðningsmaður KFS úr Vestmannaeyjum vann rúmar 700 þúsund krónur á Miðvikudagsseðilinn hjá Íslenskum getraunum. Stuðningsmaðurinn keypti sparnaðarkerfi með fjórum tvítryggðum og fjórum þrítryggðum leikjum sem kostaði 1.872 krónur. KFS, sem leikur núna í 5. deild Íslandsmótsins í knattspyrnu er samt sem áður næst stærsta félag landsins í sölu getraunaseðla. Sala getrauna er ein stærsta fjáröflun […]
Breyta hlutverki æskulýðs- og tómstundafulltrúa
Fjölskyldu- og tómstundaráð Vestmannaeyja hefur samþykkt tillögu að breyttu hlutverki æskulýðs- og tómstundafulltrúa sveitarfélagsins. Samkvæmt breytingunum verður starfið skilgreint sem starf tómstunda-, íþrótta- og forvarnarfulltrúa og því fylgir ný starfslýsing. Málið var tekið fyrir á síðasta fundi ráðsins þar sem sviðsstjóri kynnti hugmyndir að breyttu hlutverki. Markmið starfsins verður að bera faglega, rekstrarlega og stjórnunarlega […]
Æfðu hífingar milli björgunarbáts og þyrlu
Björgunarfélag Vestmannaeyja og Landhelgisgæsla Íslands stóðu fyrir sameiginlegri björgunaræfingu við Vestmannaeyjar í gærkvöldi. Að æfingunni komu þyrla Landhelgisgæslunnar og björgunarbáturinn Þór. Fram kemur á samfélagsmiðlum Björgunarfélags Vestmannaeyja að markmið æfingarinnar hafi verið að þjálfa samhæfingu áhafna við björgunaraðgerðir á sjó. Meðal þess sem æft var voru hífingar milli björgunarbátsins og þyrlunnar. Æfingar af þessu tagi […]