Í morgun fékk ísfisk­tog­ari­nn Berg­ur VE hluta af gám frá Eim­skip í trollið hjá sér. Fréttavefur Morgunblaðsins greindi fyrst frá. Í sam­tali við mbl.is er haft eftir Jóni Val­geirs­syni, skip­stjóra skips­ins, að gám­ur­inn hafi komið í trollið þegar þeir voru að toga upp botn­vörpu af Pét­urs­ey.

Fimmtán gámar féllu útbyrðis af Dettifossi, flutningaskipi Eimskip, aðfaranótt 21. mars, austan við Vestmannaeyjar, þegar Dettifoss var að sigla frá Reykjavík til Reyðarfjarðar. Frá þessu var greint á DV.is á sínum tíma.

Misstu fimmtán gáma í sjóinn austan við Eyjar – Eyjafréttir (eyjafrettir.is)

Ennfremur var Jón spurður hvort að gám­ur­inn sem þeir fengu í trollið í morg­un sé frá þessu at­viki og svarar hann því til að það sé afar ólík­legt en að hann geti ekki úti­lokað það.

„Ég hélt að það hefði verið mikið aust­ar, en ég veit það ekki. Það er svo­lítið skrýtið að fá upp gám þarna, þetta er á allt öðrum stað. Þetta er svo­lítið eins og þeir hafi misst ann­an gám og ekki látið vita,“ seg­ir Jón.

Nánar má lesa um þetta hér.