Category: Áhugavert

Árni Árnason – Þurrabúðarlíf í Eyjum um aldamótin 1900

Árni Árnason, símritari, lýsir hér lífskjörum þurrabúðarmanns í Eyjum um aldamótin 1900. Meðan húsbóndinn borðaði virti hann fyrir sér eldhúsið, sem var hreint og þokkalegt en mjög fátæklegt. Þar var einfalt borð undir glugga, koffort og kassi sem notuð voru bæði sem sæti og geymsla. Í litlum skáp voru fáein bollapör og á veggnum diskagrind […]

Fjölbreytt efni í nýju tölublaði Eyjafrétta

Nýtt tölublað Eyjafrétta er komið út og spannar efnið vítt svið samfélagsins í Vestmannaeyjum, allt frá atvinnulífi og stjórnmálum til mannlífs og menningar. Forsíðuefni blaðsins er um lok loðnuvertíðar, sem gekk vel hjá bæði Ísfélaginu og Vinnslustöðinni. Fyrirtækin náðu að veiða allan úthlutaðan kvóta og framleiðsla var í samræmi við áætlanir. Töluverð umfjöllun er um […]

Segja forsendur útboðs heilsuræktar hafa breyst verulega

Í kæru sem lögð hefur verið fram til kærunefndar útboðsmála vegna útboðs Vestmannaeyjabæjar um rekstur heilsuræktar við Íþróttamiðstöð Vestmannaeyja eru einnig gerðar athugasemdir við hvernig útboðsskilmálar hafi breyst frá fyrra útboði. Kærendur telja að nýju útboðsgögnin byggi á verulega breyttum forsendum og að önnur atriði vegi nú þyngra í mati tilboða en áður. Þeir benda […]

Óvenjulegar eignfærslur og tafir á afhendingu gagna

Í upphafi árs fjölluðu Eyjafréttir um eignfærðan lögfræðikostnað Vestmannaeyjabæjar sem vakti spurningar í kjölfar fyrirspurna blaðamanns. Misræmi milli ​afhen​dra gagna og upplýsinga úr opnu bókhaldi bæjarins nam um 20 milljónum króna í lögfræðikostnaði. Sá kostnaður hafði ekki verið gjaldfærður heldur eignfærður í bókum bæjarins. Síðar kom fram í samskiptum við bæinn að umræddur kostnaður tengdist […]

Fermingar á næsta leyti

Fermingarstúlkur og séra Guðmundur Örn. Mynd Óskar Pétur.

Með hækkandi sól er komið að fermingum um allt land. Fermingardagar í Landakirkju eru laugardaginn 28. mars kl. 11.00, laugardaginn 11. apríl kl. 11.00, laugardaginn 18. apríl kl. 11.00 og sunnudaginn 24 maí kl. 11.00. Fermingarundirbúningur stendur því sem hæst. Hér má sjá hóp stúlkna sem fermast í vor ásamt séra Guðmundi Erni. Aftari röð, […]

Bent kemur fram á Hljómey!

Það styttist óðum Hljómey og spennan heldur áfram að magnast með hverri tilkynningu. Nú hefur verið staðfest að rapparinn Bent muni stíga á svið, en hann er af mörgum talinn vera í hópi bestu rappara Íslandssögunnar. Bent hefur um árabil skipað sér í fremstu röð íslenskrar hiphop-senu. Hann er þekktur sem meðlimur í XXX Rottweiler […]

Gagnrýna samning bæjarins við rekstraraðila heilsuræktar

ithrottam

Í kæru sem lögð hefur verið fram til kærunefndar útboðsmála vegna útboðs Vestmannaeyjabæjar um rekstur heilsuræktar eru ekki aðeins gerðar athugasemdir við hæfiskröfur útboðsins. Í kærunni eru einnig rakin atriði sem kærendur telja varpa ljósi á hvernig staðið hafi verið að rekstri heilsuræktarinnar við Íþróttamiðstöð Vestmannaeyja á meðan málið hefur verið til meðferðar. Þar er […]

Tannverndarvika

Tannverndarvika TFÍ 16.-20. mars 2026 Fræðslunefnd Tannlæknafélags Íslands vekur athygli á Tannverndarvikunni, 16.-20. mars. Við hvetjum alla til þess að hugsa vel um tennur sínar og barnanna sinna ásamt því að halda þessari viku á lofti á vinnustöðum/skólum/dvalarheimilum og alls staðar í samfélaginu. Í þessari viku viljum við muna eftir tannþræðinum, við viljum velja okkur […]

Útboð Vestmannaeyjabæjar um heilsurækt aftur til kærunefndar

Kæra hefur verið lögð fram til kærunefndar útboðsmála vegna útboðs Vestmannaeyjabæjar um rekstur heilsuræktar við Íþróttamiðstöð Vestmannaeyja. Í kærunni er því haldið fram að lykilskilyrði útboðsins séu svo íþyngjandi að þau takmarki verulega samkeppni. Sérstaklega er deilt um kröfu um að bjóðendur hafi að lágmarki 1.000 milljónir króna í eigið fé og að minnsta kosti […]

Lestur ársreiknings bæjarins gefur allt aðra mynd

Eyjafréttir birtu fréttatilkynningu Vestmannaeyjabæjar í gær þar sem kom fram að bærinn hafi skilað bestu rekstrarniðurstöðu í 15 ár. Eyjafréttir hafa nú undir höndum eintak af ársreikningnum og okkar greining á honum gefur tilefni til að gera athugasemd við það hvernig bærinn ákvað að kynna rekstrarniðurstöðuna án þess að birta ársreikninginn og gefa þannig fjölmiðlum tækifæri til að greina sjálfstætt fjárhagsniðurstöðurnar.  Helstu niðurstöður Eyjafrétta:  Rekstur A hluta stendur í stað  Bótagreiðsla vegna tjóns […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.